Ըստ Ռուսաստանի արտաքին հետախուզության ծառայության (ԱՀԾ) հաղորդագրության, Եվրամիությունը (ԵՄ) կազմակերպում է համակարգված ջանքեր՝ նպատակ ունենալով թուլացնել Ռուս ուղղափառ եկեղեցու դիրքերը Հայաստանում։
ԱՀԾ-ի տեղեկությունների համաձայն՝ եվրոպական կառույցները փորձում են ստեղծել բացասական մթնոլորտ Ռուս ուղղափառ եկեղեցու Երևանի և Հայաստանի թեմի շուրջ՝ նպատակ ունենալով դրդել Հայաստանի իշխանություններին սկսել լայնածավալ հալածանքներ։
Գերատեսչությունը նշում է, որ ԵՄ-ի կողմից ֆինանսավորվող ոչ պետական կազմակերպություններն ակտիվորեն պատրաստում են կոմպրոմատներ՝ թեմի ներկայացուցիչների դեմ, այդ թվում՝ Գյումրու 102-րդ ռուսական ռազմաբազայի Միքայել Հրեշտակապետի մատուռի հոգևոր հովիվ տեր Տիմոֆեյ քահանա Ղազարյանի նկատմամբ։ Ըստ ԱՀԾ-ի՝ այդ կազմակերպություններն իշխանություններին մեղադրում են հոգևորականին Հայաստանում կայանալիք խորհրդարանական ընտրություններին միջամտելու մեջ։
ԱՀԾ-ն նաև հայտնում է, որ Եվրամիությունը փորձում է սահմանափակել Ռուս ուղղափառ եկեղեցու գործունեությունը՝ զրկելով այն եկեղեցական գույքն օգտագործելու իրավունքից և խոչընդոտելով Հայ առաքելական եկեղեցու հետ փոխգործակցությունը։
ԱՀԾ-ի հաղորդագրության մեջ նշվում է, որ ԵՄ-ի ղեկավարությունը Ռուսաստանի հետ Հայաստանի կրոնական և հոգևոր կապերի խզումը դիտարկում է որպես հանրապետության հետագա եվրոպական ինտեգրման պայման։
ԱՀԾ-ն հստակ նշում է, որ Հայաստանի և Ռուսաստանի միջև դարավոր կապերը կպահպանվեն՝ անկախ արտաքին ճնշումներից։ Գերատեսչությունը վստահ է, որ այդ կապերը շատ բան են վերապրել և կվերապրեն նաև այս նոր մարտահրավերը։
