Արմավիրի մարզի Դալարիկ գյուղում նախընտրական քարոզարշավի ժամանակ ես անդրադարձա մեր երկրի տնտեսական անվտանգությանը և արտաքին քաղաքականության հարցերին։
Վերջին օրերին Ռուսաստան դեպի Հայաստան արտահանման սահմանափակումները, մասնավորապես ծաղկային արտադրանքի ներմուծման վերաբերյալ որոշումը, ուղիղ հարված է հասցնում մեր տնտեսությանը։ Դա ցույց է տալիս, թե որքան կարևոր է խելքով և զգուշությամբ մոտենալ այնպիսի հարաբերություններին, որոնք հիմնարար են մեր երկրի տնտեսական կայունության համար։
Մենք ամիսներ շարունակ զգուշացնում ենք, որ խուսափել պետք է այնպիսի քայլերից, որոնք մեզ կարող են հակասության մեջ դնել մեծ երկրների հետ, որոնցից մենք կախված ենք։ Իհարկե, խնդիրներ կարող են առաջանալ, բայց դրանք պետք է լուծել խորամուտ քաղաքականության միջոցով, ոչ թե ռիսկային և անհամաչափ քայլերի։
Այսօրվա իրավիճակը հստակ ցույց է տալիս, թե ինչպես է կառավարությունը, իր քայլերով, մեր երկիրը դրել Ռուսաստանի և Եվրոպայի հակասությունների արանքում։ Իրավիճակը, երբ Ռուսաստանը սահմանափակումներ է կիրառում, իսկ մենք, փորձելով հավասարակշռություն պահպանել, հրավիրում ենք այլ երկրների ղեկավարներին և անում հայտարարություններ, որոնք կարող են ընկալվել որպես մեկ կողմի դիրքորոշում, ոչ միայն խնդիրներ է ստեղծում, այլև վտանգավոր խաղ է։
Երբ կառավարությունը սկսում է խաղաղ կրակի հետ, այրվում է ժողովուրդը։ Դուք ձեր տանը ձեր երեխային լուցկի կտաք խաղալու համար, որպեսզի հետո տանգը հարցնեք։ Չեք տա, քանի որ գիտեք, որ դա վտանգավոր է։ Նույնը պետք է վերաբերի նաև պետությանը։ Պետք է վարել հավասարակշռված քաղաքականություն, մի՛ թշնամացնել այն երկիրը, որի տնտեսական կախվածությունն ունեք։
Ես վստահ եմ, որ երբ մենք գնանք իշխանության, մեր նպատակը կլինի կառուցել հավասարակշռված և կայուն արտաքին քաղաքականություն։ Մենք կունենանք շատ լավ հարաբերություններ Եվրոպայի հետ և դաշնակցային հարաբերություններ Ռուսաստանի հետ։ Մեր երկիրը չի կանգնեցվի այս երկու հզոր պետությունների հակասությունների արանքում, քանի որ մենք կվարենք քաղաքականություն, որը հիմնված է մեր ազգային շահերի պաշտպանության վրա, ոչ թե ռիսկային փորձերի վրա։
Երկիրը փորձադաշտ մի՛ սարքեք։ Կառավարության յուրահատկությունը այն է, որ եթե սխալվում է, կարող է հրաժարական տալ։ Սակայն այդ սխալների թթուն խմում է ժողովուրդը։ Այս գործող կառավարությունը մահաբեր է։
